 |
| Mpaka sasa inasemekana kuna baadhi ya mali za Marehemu Sharo milionea zimepatikana na zipo kituo cha polisi mali hizo ni simu lakini bado pesa zilizopotea wakati wa ajali ya msanii Huyo iliosabababisha kifo chake papo hapo katika maeneo ya maguzoni wailayani muheaza Mkoanai tanga lakini bado jeshi la polisi linaendelea na upelelezi juu ya upatikanaji wa fedha hizo mali ambazo zinasemekana zimepatikana ni pamoja na simu za marehemu pamoja na Radio ya gari pongezi za dhati zinhitajika kaitika kupewa jeshi la polisi kwa jitihada zao na endapo tunaomaba endapo watapatika na Sheria ichukuwe mkondo wake kwani hwana hata huruma watu hao tena wakamatwe |
Baadhi ya Mali zilizopotea Katika Ajali ya Sharo zapatikana ila pesa Bado
Read User's Comments(0)
Uingereza yasitisha msaada kwa Rwanda
 |
Wananchi wakitoroka mapigano
Uingereza imesitisha
kwa muda msaada iliyokuwa iipe Rwanda kwa sababu ya wasiwasi kuhusu
kuhusika kwa nchi hiyo katika mzozo uliopo Jamuhuri ya Kidemokrasia ya
Congo.
Mawaziri walisema kwamba Uingereza sasa haitatoa msaada wa pauni milioni 21.Serikali ya Uingereza ilikuwa imesema kwamba ingetoa kitita kingine cha pauni milioni 18 kwa ajili ya mahitaji ya kibandamu ya dharura huko Jamuhuri ya Kidemokrasia ya Congo. Makubaliano Sasa fedha hizo, ambazo zilikuwa zitolewe mwezi ujao, hazitatolewa tena kwa sababu serikali ya Rais Paul Kagame imekiuka makubaliano. Nyaraka ya Umoja wa Mataifa iliyofichuliwa inasema kwamba waziri wa ulinzi wa Rwanda ndiye anayewaamrisha waasi walioko huko. Mapigano hayo yamepingwa na nchi za kimataifa, huku Marekani na nchi kadhaa za Ulaya zikizuia msaada uliokuwa umepangwa kwa ajili ya Rwanda. Waziri Justine Greening wa Uingereza alisema: “Nimeamua kutotoa fedha zilizokuwa zimekusidiwa kwa ajili ya kuisaidia bajeti ya Rwanda. Ni wajibu wetu kujaribu kutafuta suluhu za kudumu kwa mzozo wa eneo hili, na kufanya kazi pamoja na serikali za Rwanda na Jamuhuri ya Kidemokrasia ya Congo ili kuhakikisha suluhisho la amani linapatikana mashariki mwa Jamuhuri ya Kidemokrasia ya Congo." |
Rasimu ya katiba Misri yaidhinishwa
 |
Generali Mamdou Shahin (Kulia) akishauriana na maafisa wa kamati ya katiba kabla ya kupigiwa kura
Kamati inayoandika katiba nchini Misri imeidhinisha rasimu ya katiba mpya ya nchi hiyo.
Hayo yaliafikiwa katika shughuli iliyochukua saa
kumi na sita, na kamati hiyo ilikubaliana kwa kauli moja kupitisha
vifungu viwili thelathini na nne.Rasimu hiyo sasa sharti iidhinishwe na rais Morsi kabla ya kupigiwa kura ya maoni. Wanasiasa waliberali pamoja na wakristu walisusia shughuli za kamati wakisema walihisi kutengwa. Akizungumza kwa runinga awali Rais Mohamed Morsi amesema kuwa atajiondolea mamlaka mapya aliyojikabidhi pindi tu watu watakapokubaliana kuhusu katiba. |
HESHIMA NA SWALAA YA MWISHO KWA SHARO MILIONEA
 |
| Mwili wa Marehemu Sharo milionea ukiswaliwa kwa mara ya mwisho na watu waliofika msibani nyumbani kwao Katika kijiji cha Lusanga Muheheza tanaga |
MZEE MAJUTO RAFIKI WA KARIBU SANA NA MAREHEMU SHARO MILIONEA AKIELEKEA MAKABURINI
 |
| Mzee Majuto akiwa ameshikwa mkono wakielekea mazishini kuupumzisha mwili wa marehemu Sharo milionea mazishi yalifanyika nyum,bani kwao Mkoani Tanga katika kijiji cha Lusanga wilayani Muheza mazushi hayo yalihudhuriwa na watu wa aina tofauti tofauti kulingana na wanavyomfahamu sharo milionea kwa kazi zake alizokuwa akifanya kipindi cha uhai wake na kunawasainii wengi walioguswa na msiba huo pia walihusika katika mazioshi munguailaze roho ya marehemu mahala pema peponi |
200 wajeruhiwa wakitafuta kazi Tunisia
 |
Mmoja wa waliojeruhiwa wakitafuta ajira huko Tunisia
Zaidi ya watu mia
mbili walijeruhiwa huko Tunisia Jumatano katika siku ya pili ya
maandamano jijini Siliana kilomita mia moja Ishirini kutoka katika jiji
kuu la Tunis.
Waandamanaji hao walikuwa wakimtaka gavana wa
eneo hilo kujiuzulu, kutaka msaada wa kiuchumi na vile vile kushinikiza
watu kumi na wanne waliokamatwa katika ghasia za Aprili kuachiliwa.Vyama vya wafanyakazi vimeitisha maandamano zaidi baadaye leo. Tunisia ndiyo ilikuwa kitovu cha mapinduzi ya kiraia katika nchi za Kiarabu ambapo wananchi walimng'oa mamlakani rais wao wa muda mrefu Januari mwaka 2011. |
UN yasaidia Mali ingawa kwa tahadhari
 |
Waasi wa Tuareg nchini Mali
Katibu Mkuu wa Umoja wa mataifa,
Ban Ki-moon ameunga mkono mapendekezo ya Baraza la usalama la umoja wa
Mataifa kuidhinisha vikosi vya usalama vya kulinda amani vya AU
vipelekwe Mali kukabiliana na wapiganaji wa kiisalamu Kaskazini ya Mali.
Hata hivyo ilikataa kutoa ufadhili wa Umoja wa Matifa katika shughuli hiyo.Wanadiplomasia wanasema kuwa vikosi hivyo vitatumia nguvu kupita kiasi ilihali vinatakiwa tu kutoa huduma za kusitisha vita kwa njia ya amani. Hata hivyo bwana Bana hakutoa msaada wa kifedha na ksuema kuwa mataifa ya Afrika yanahitaji maswali kuhusu jeshi hilo litakavyoendesha kazi zake. Viongozi wa Afrika wamekuwa wakitaka kuungwa mkono na Umoja wa Mataifa ili kuunda jeshi la pamoja na nchi za Afrika Magharibi litakalosaidia jeshi la Mali kupambana na waasi. Jeshi la Mali lilipoteza udhibiti wa Kaskazini mwa nchi ambalo linashikiliwa tena. Kuhusu mapendekezo yake kwa baraza la usalama la umoja huo, bwana Ban alisema ataidhinisha wanachama wa muungano wa Afrika kuunda kikosi cha wanajeshi 3,300 ambao watajulikana kaa AFISMA kuweza kushika doria nchini humo kwa mwaka mmoja. Alisema wataisaidia jeshi la Mali kurejesha hali ya utulivu kaskazini mwa nchi na kupunguza tisho la makundi ya kigaidi kuvamia eneo hilo |
TUTAKUKUMBUKA SHAROMILIONEA
 | |
| Daima tutakukumbuka Broo kwa ubunifu wako mzuri tulikupenda lakini mungu ameklupenda zaidi pumzika kwa amani Sharomilionea kilichobaki watanzania inatubidi tumrudie mungu kwani atujui lini itakuwa hatima ya maisha yetu sisi tunapanga hivi mungu nae anapanga vyake hatuna budi kumtukua kwa kila jambao ambalo llinatokea kwa kupitia kwake Ni wakati sasa wasanii kwa ujumla kuliangalia hili kwa umakini tukirudisha fikra zetu nyuma wangapi wamepita na walikuwa na umaarufu gani jee mimi na wewe tumejipanga vipi juu ya hiyo safari ambayo hatuijui muda , siku wala saa jamani tuliangalie hili kwa umakini na kiukweli kwa mwaka huu tumepata mapigo makubwa sana katika tasnia ya sanaa nchini hatutakaa tuhusahau mwaka huu kamwe jamni wasanii inabidi wawe na umoja katika kushiriki msiba huu bila kujali chochote |
 |
Marehemu John Stephano Maganga, wakati wa uhai wake.
Baba yake mdogo na marehemu, ambaye pia naye ni mwigizaji, ameelezea mkasa mzima toka Stephan alipoanza kuumwa mpaka siku ya kifo chake jumamosi asubui ya wikiendi iliyopita. Baba mdogo wa Stephano anasema, kabla ya kufikwa na umauti mwigizaji John alikuwa akisumbuliwa na homa ambapo alimpigia simu na kumweleza jinsi anavyojisikia ndipo akamwambia amngojee, kisha alimfuata na kumpeleka Hospitali ya Mwananyamala. Aidha anaendelea na kusema siku ya pili yake John alimpigia simu na kumwambia bado anaumwa na wala hajisikii vizuri, kuona hivyo, baba yake mdogo akaenda nyumbani kwake na kumkuta amelala kwenye kochi anatoka jasho sana, akamuuliza, John vipi tena?, John akamjibu, tumbo linamuuma sana, ikabidi nimpigie simu Baba yake mzazi nimwambie tumpeleke Hospital Mwananyamala. Tulipofika pale hospitali, kutokana na maelezo ya Stephano, madaktari wakaamua wampige X Ray na Utra Sound kwa sababu alikuwa na maumivu makali sana tumboni mwake. Baada ya majibu ya vipimo kutoka, madaktari, wakasema ana matatizo kwenye utumbo hivyo wanatakiwa wamfanyie upasuaji wa haraka. Stephano aliingizwa chumba cha upasuaji, wakati sisi kwa maana ya mimi na baba yake tukiwa tumekaa, dokta alitoka na kutuambia mashine za kupumulia zina matatizo kwa hiyo tunafanya transfer ya kwenda Muhimbili kwa matibabu zaidi, hivyo zilifanyika taratibu na Stephano aliingizwa kwenye gari la wagojwa na kupelekwa hospitali ya Muhimbili. Baada ya kufika Muhimbili, Stephano aliingizwa chumba cha dharura (emergence room), na baada ya dakika kama 10 hivi, alitoka Doctor ambaye tunafaamiana naye na kusema kuwa, kwa tatizo alilonalo John, hatakiwi kufanyiwa upasuaji kama walivyofikiria madaktari wa Mwananyamala ambapo walidhani kuna utumbo umekatika. Daktari huyo wa Muhimbili aliendelea kutuambia sehemu ambayo inaonekana kuleta matatizo ni sehemu ya kongosho ambapo vipimo vinaonesha ina matatizo, ime fell kwa hiyo ina mwaga maji kwenye tumbo ndiyo maana anapata maumivu kwenye tumbo na tumbo kujaa. Baada ya maelezo hayo Dokta tunayejuana naye alitueleza kwamba mtaalamu wa tatizo hili hayupo na kwamba anategemewa kuja kesho yake asubuhi na kutuasa tuende nyumbani na kwamba watammwekea mashine ya kupumua na sisi turudi kesho. Kesho yake asubuhi, ilikuwa ni siku ya jumamosi nilifika Muhimbili na kuonana na yule Dokta kama tulivyokubaliana usiku wa jana yake. Nilipokutana naye akaniambia nisubiri atanijulisha kinachoendelea. Nafikiri wakati huo ndipo mambo yaliharibika, kwa sababu yule daktari ambaye alimtaja kutokuwepo jana, alikuwa ndani anamshughulikia hivyo alikuwa anajaribu achomwe sindano ambayo ingeweza punguza makali ya sumu iliovuja toka kwenye kongosho au angewekewa drip ya maji lakini inaonekana jambo hili lilichelewa kufanyika. Muda mchache baadae Dokta alitoka na kuniambia John hatuko nae tena, amefariki. Hicho ndicho kilichomtokea John kuelekea kifo chake. Mazishi yamepangwa kufanyika makaburi ya kinondoni kesho. Alisema baba mdogo wa muigizaji Stephano. |
LUTENI KALAMA ASAKWA AULIWE NA KIGOGO WA SERIKALI!
 |
Mwanamuziki wa siku nyingi kwenye game
hiyo ya bongo flava,Luteni Kalama kuna madai anatafutwa na na mume wa
Miss Ruvuma ambae amezaa nae mtoto mmoja ili amuue kwa risasi.
Habari za uhakika toka kwa mtu wa
karibuni na mwanamuziki huyo zilisema kuwa Luteni Kalama amekuwa na
kwenye mahusiano ya kimapenzi na Miss huyo wakati ni mchumba wa mtu
ambae ni kigogo mmoja anaefanya kazi Wizara ya Ujenzi aliyefahamika kwa
jina moja la Nzenzely.
 Chanzo chetu kilieleza kuwa Issabaelah
na Luten wamekuwa kwenye mahusiano ya kimapenzi kwa kipindi kirefu
ingawa wali walikuwa wamefanya kama siri lakini kadri siku zilivyokuwa
zinaenda mambo yakawa hadharani hadi kigogo huyo kushtukia ishu. Hata hivyo kufuatia tuhuma hizo
mwandishi wetu alimtafuta Kalama mwenyewe ili athibitishe sakata hilo
ambapo alipataikana na kuizungumzia ishu hiyo kwa ujumla" Ni kweli na
mimi nasikia kwamba natafutwa ili nipigwe risasi kwa vile nina ukaribu
na Bellah,Lakini mimi namuachia mungu ingawa nina mpango wa kwenda kutoa
taarifa Polisi" Alisema Kalama
Aidha alipotafutwa mrembo huyo ili nae
kuzungumzia alisema alikuwa na ya kusema"Hizo habari za kutafutana kwa
bunduki mi hazini husu ukaribu wangu na Kalama ni wa kisanii na si
vinginevyo" Alijibu kwa ufupi Miss huyo
|
TAKUKURU FUATILIENI FEDHA ZINAZOTOLEWA NA SERIKALI HALMASHAURI-GALLAWA
 |
| MKUU wa mkoa wa Tanga, luteni (mstaafu) Chiku Gallawa, ameitaka Taasisi
ya Kuzuia na Kupambana na Rushwa (TAKUKURU) kuongeza kasi ya kufuatilia
fedha zinazopelekwa na serikali katika halmashauri nchini ili ziweze
kutumika vizuri kwenye miradi mikubwa ysa maendeleo iliyokusudiwa. Akifunga Mkutano Mkuu wa mwaka wa takukuru kwenye hoteli ya Tanga beach Resort kwa maofisa wa taaisis hiyo kutoka mikoa yote ya tanzania bara, Mkuu huyo wa mkoa alisema kuwa takukuru wamebeba dhamana kubwa ya kustawisha maendeleo kwa kufautilia watendaji kwenye halmasauri ambao wanatumia vibaya fedha zinazoolewa na serikali kwa ajili ya maendeleo. Amesema serikali hasa ya awamu ya nne, imekuwa ikitoa fedha nyingi katika halmashauri kwa ajili ya kugharamia miradi mbalimbali ya maeneleo hasa ya elimu, afya, barabara na kujenga majengo mbalimbali lakini fedha hizo wakati mwingine zimekuwa zikitumika visivyo na hivyo kuleta malalamiko kutoka kwa wananchi. Mkuu huyo wa mkoa pamoja na kuipongeza taasisi hiyo kwa kufanikiwa kuokoa fedha za serikali kiasi cha shilingi bilioni 97.5, lakini ameitaka takukuru kuhakikisha inaongeza kasi ya mapambano ya rushwa kwa kuwa kufanya hivyo kutasaidia mipango mbalimbali ya maendeleo ya nchi. Kuhusu wananchi mkuu huyo wa mkoa amewataka kutoa ushirikiano kwa taaisis hiyo na waache kulalamikia masuala ya ufisadi wakati kama watatoa ushirikiano masula hayo yanaweza kudhibitiwa kwa watu kuogopa fedha za umma hatua ambayo mwelekeo wa taasisi hiyo inakoelekea na kwamba waongeze jitihada kutumia nyenzo walizokuwa nazo katika mapambano hayo. Kwa upande wake Mkurugenzi Mkuu wa TAKUKURU Dkt Edward Hosea alisema kuwa wataendelea kutoa elimu kwa wananchi kuhusu suala la mapambano ya rushwa ikiwemo kuwafundisha watumishi wake kwenda sambamba na mabadiliko ya teklonojia katika masuala ya rushwa. |
Mwanamke azaa mapacha na kuwaita Barack Obama na Mitt Romney
 |
| Mwanamke mwenye miaka 20 Millicent Owuor jana amejifungua watoto mapacha na kuwapa majina Barack Obama na Mitt Romney. Watoto hao walizaliwa katika hospitali ya Siaya kusini magharibi mwa Kenya. Owuor aliwaambia waandishi wa habari kuwa aliamua kuwapa majina hayo wanae ili kuikumbuka siku ya uchaguzi huo wa Marekani. |
RAIS KIKWETE AZINDUA UJENZI WA BOMBA LA GESI ASILIA KUTOKA MTWARA-DAR ES SALAAM
 |
| Rais Jakaya Mrisho Kikwete na Makamu wa Rais Dkt Mohamed Ghalib Bilali na viongozi wengine wakimsikiliza Waziri wa Nishati na Madini Profesa Sospeter Muhongo miundombinu ya bomba la gesi asilia toka Mtwara… |
 | |
| Rais Jakaya Mrisho Kikwete akizindua rasmi ujenzi wa bomba la gesi asilia toka Mtwara hadi Dar es salaam leo Novemba 8, 2012 maeneno ya Kinyerezi njijini Dar es salaam. Nyuma yake ni Makamu wa Rais Dkt Mohamed Ghalib Bilali. |
Hiki ndicho T.I anadhani kilikuwa chanzo cha ugomvi kati ya Rick Ross na Young Jeezy.
 | |
Rapper T.I ambae pia ni mshindi wa tuzo za
Grammy amechangia mawazo yake kwa kile kilichotokea wiki hii ambapo Rick Ross
the Big Boss alizinguana vibaya na Young Jeezy hadi kufikia hatua ya kusukumana
walipokuwa back stage wakati wa kurekodi matukio ya BET Hip Hop Awards 2012.
katika interview moja T.I alitaja ‘majivuno
na umimi’ kuwa mara nyingi ni chanzo cha celebs
kugombana, japo alionesha kuwa ni mtazamo wake na anavyodhani ila
hakujua lolote kuhusu huo ugomvi kati ya Rick Ross na Young Jeezy.
|
 |
| Chris Brown na Rihanna katika show ya Jay Z
Inasemekana ukaribu
unaoendelea kuonekana kati ya R&B singer Chris Brown na Rihanna
ukawa ni ukurasa mpya wa mapenzi yao ambayo bado hawajayaweka wazi kwa
kauli zao.
Muda mchache uliopita Chris brown ametangaza rasmi kuachana na girl friend wake Karrueche Tran
kwa madai kwamba hataki kuendelea kumuumiza kutokana na urafiki alionao
na Rihanna. Uamuzi huo unakupa picha gani? Kama ni sacrifice kwanini
hakuamua kustay away from Rihanna ili asimuumize girl friend wake
huyo??? haya ndio maswali yanayowafanya watu wengi waamini kuwa Chris
and Rihanna are back together.
"Nimeamua kuwa
single, ili niweze ku focus katika kazi yangu. Nampenda sana Karruche
lakini sipendi kuona akiumia kutokana na urafiki wangu na Rihanna", hayo ni maneno aliyoyasema Chris Brown wakati akitoa maelezo ya kwanini kachukua uamuzi huo. Aliongeza kwa kusema "ni bora niwe single ili wote tuwe happy katika maisha yetu".
Uamuzi huo wa Chris
Brown umekuja mara baada ya yeye na Rihanna kuonekana wakiwa pamoja
katika concert ya Jay Z iliyofanyika Brooklyn usiku wa juzi kwa saa za
marekani.
|
Vifo vya watoto vimepungua duniani
 |
Watoto
Takriban watoto milioni 6.9
walifariki kabla ya kufikisha miaka mitano mwaka jana ikilinganishwa na
vifo milioni 12 vya watoto wachanga vilivyotokea mwaka 1990. Takriban
watoto elfu kumi na tisa walifariki mwaka 2011.
Kwa mujibu wa shirika la kuwahudumia watoto la
Umoja wa mataifa Unicef, sababu mojawapo ya kupungua kwa vifo ni nchi
maskini kutajirika.Nchi ambazo idadi ilipungua sana ni zile ambazo zilipata msaada mwingi kutoka nje. "ukiangalia, nchi ambazo idadi ya vifo imepungua sana mfano Jamuhuri ya watu wa Lao, Timor na Liberia ambazo ni nchi tatu za kwanza katika orodha ya nchi ambako idadi ya vifo ilipungua, nadhani kwa nchi hizi zote msaada unaotoka nje umechangia pakubwa jambo hilo,'' alisema mkurugenzi mkuu wa shirika la Unicef nchini Uingereza, David Bull. Juhudi zinazolenga magonjwa ya kuambukizana kama Ukambi, zimepunguza vifo duniani kutoka vifo vya watoto laki tano mwaka 2000 hadi vifo laki moja mwaka 2011. Mwaka jana nusu ya vifo vya watoto wachanga duniani vilitokea katika nchi tano pekee kulingana na Unicef. Hizi nchi ni pamoja na India, Nigeria, Jamuhuri ya Kidemokrasia ya Congo, Pakistan na China. Katika Jamuhuri ya Kidemokrasia ya Congo, Chad, Somalia, Mali, Cameroon na Burkina Faso idadi ya vifo vya watoto iliongezeka kwa vifo 10,000 au zaidi mnamo mwaka 2011 ikilinganishwa na mwaka 1990. Karibu vifo hivyo vyote vilichangiwa na ugonjwa wa Malaria kwa watoto walio chini ya miaka mitano katika nchi za Kusini mwa jangwa la Sahara mwaka jana kwa mujibu wa shirika hilo. Mizozo pia ilichangia huku ugonjwa wa kichomi na tatizo la kuharisha vile vile nayo yakichangia vifo hivyo. |
Subscribe to:
Posts (Atom)